Espainiako Gobernuak, sindikatuek eta enpresariek gutxieneko soldataren igoera eztabaidatuko dute gaur.

EITB.eusren albistearen laburpena (2022/02/07): Espainiako Gobernuak, sindikatuek eta enpresariek gutxieneko soldataren igoera eztabaidatuko dute gaur. [Esteka]

Litekeena da CEOEk igoera honi ezezkoa ematea; beraz, Gobernuaren eta sindikatuen arteko akordio bat atera liteke bileratik.

Lan eta Gizarte Ekonomiako Ministerioa gaur bilduko da CCOO, UGT, CEOE eta Cepymeko ordezkariekin, aurtengo lanbide arteko gutxieneko soldataren igoera zehazteko. Gaur egun, hilabeteko 965 euroan dago, 14 ordainsaritan.

10:00etan hasiko da bilera, eta, itxura guztien arabera, Gobernuaren eta sindikatuen arteko akordio bat atera liteke negoziaziotik, enpresarien babesik gabekoa, aurreko gutxieneko soldataren igoerarekin gertatu zen bezala.

Mahaigainean dago CCOO eta UGT sindikatuek hileko 1.000 eurora igotzeko egindako eskaera, urtarrilaren 1etik aurrera atzeraeraginez, iazko irailean Gobernuarekin adostutako konpromisoa betetzeko.